Bu məktub üç dildə (İngiliscə, Azərbaycan Türkcəsi və Farsca) konfransın katibliyinə göndərilmişdir.
Azərbaycan Demokratiya və İnkişaf Assosiasiyası (OCAQ)
Tarix: 2024-11-11
Ünvan: BMT-nin İqlim Dəyişiklikləri Konfransı Katibliyi (COP29)
Mövzu: İran hökumətinin yanlış idarəetməsi və sistematik diskriminasiyasının İran Azərbaycanı əhalisinin sağlamlığı və ətraf mühitə təsiri
Salam və hörmətlə,
Biz, Azərbaycan Demokratiya və İnkişaf Assosiasiyası (Ocaq), İran və bütün regionda sülh, demokratiya və davamlı inkişaf üçün fəaliyyət göstərən bir təşkilat olaraq, İranın yanlış idarəetməsi və sistematik diskriminasiyasından qaynaqlanan geniş ətraf mühit problemlərinə diqqətinizi cəlb edirik. Bu problemlər xüsusilə İran Azərbaycanı ərazisində insanların sağlamlığı və təbii ekosistemlər üçün ciddi təhlükə yaradır.
İran Azərbaycanında ətraf mühit problemləri
- Urmiya gölünün quruması
Su resurslarının yanlış idarə edilməsi və səhv su anbarı layihələri Urmiya gölünün qurumasına səbəb olub. Bu böhran 15 milyondan çox insanın həyatını təhdid edir və duz fırtınaları riski yaradır.
- Araz çayının çirklənməsi
Ermənistanın Metsamor elektrik stansiyasından Araz çayına kimyəvi və radioaktiv tullantıların axıdılması çayın cənubundakı insanların sağlamlığını təhdid edir. Bu çirklənmə Xəzər dənizinə də yayılır və geniş mənfi təsirlərə malikdir.
- Mədənlərin çirklənməsi və ekosistemlərin məhv edilməsi
İran Azərbaycanı ərazisində, xüsusilə Qaradağ və Zərşuran bölgələrində həddindən artıq mədən fəaliyyəti torpaq və su resurslarının çirklənməsinə səbəb olub və Qaradağ meşələrinin məhv edilməsi ekosistemlərə ciddi ziyan vurub.
- Ətraf mühit fəallarının təqibi
Bu problemləri ifşa edən ətraf mühit fəalları əsassız ittihamlarla və təqiblərlə üzləşirlər.
Tələblər
- Urmiya gölünün bərpası və su resurslarının düzgün idarə edilməsi üçün İran hökumətinə təzyiq göstərilməsi.
- Araz çayının çirklənməsinin qarşısını almaq üçün beynəlxalq proqramların hazırlanması və Ermənistan hökumətinə çirkləndiricilərin idarə edilməsi üçün təzyiq göstərilməsi.
- Mədən fəaliyyətlərinin ekoloji baxımdan nəzarət edilməsi və Qaradağ meşələrinin qorunması və məhv edilməsinin qarşısının alınması.
- Ətraf mühit fəallarının hüquqlarının müdafiəsi və onların ifadə azadlığının təmin edilməsi.
Biz COP29 konfransının rəhbərliyindən, konfrans iştirakçılarından və konfransa ev sahibliyi edən Azərbaycan Respublikasının rəhbərliyindən, İranın ekoloji problemləri və sistematik diskriminasiyaları nəzərə alaraq, İran hökumətinə ekoloji öhdəliklərini yerinə yetirməsi üçün bütün imkanlardan istifadə edərək təzyiq göstərmələrini xahiş edirik. Bu tədbir yalnız ətraf mühitin qorunmasına deyil, həm də bütün regionda sülh və davamlı inkişafın gücləndirilməsinə kömək edəcəkdir.
Hörmətlə,
Duman Radmehr Azərbaycan Demokratiya və İnkişaf Assosiasiyasının Başqanı
